I
O, Capiz duog nga hamili
Dunang manggad sang Diyos pinili.
Kadagatan mo kag kabukiran.
Pagatatapon imong kabuganaan.
II
Capiz matahum nga ngalan.
Sa tagipusuon ikaw mapahamtang.
Dumuluong ka, O Capizeno man ang kagayon.
Sa gihapon, nahamut-an.
Chorus
O, Capiz, Capiz, bisan diin kami padulong
O, Capiz, Capiz, imo ngalan pagadal-on
III
Capiz, Probinsya nga pinasahi.
Bilidhon ang mga palanublion
Ipadayon, palig-unon, itib-ong Capiznon.
Tanan, magahugpong.
Chorus
